Belaunaldiartekotasuna euskaraz lantzeko asmoz sortu dugu Herrimatuz irratsaioa. Helburua Oiartzungo gazteak Zaintzadi, Aiton-Etxe eta Petra Lekuona proiektuetako parte diren erabiltzaileekin harremanetan jartzea da eta, horretarako, Haurtzaro Ikastolako eta Elizalde eskolako ikasleak gonbidatu ditugu.

Saioetan zehar Indira Ibeas, Saray Kortajarena, Paul Devon Coughlan, Liher Fernandez, Manex Salinas eta Hegoa Aginaga ikasleek Zaintzadi, Petra Lekuona eta Aiton-etxe proiektuetako erabiltzaileei gai zehatzen inguruan galderak egiten dizkiete haien inguruan gehiago jakiteko.