Belaunaldiartekotasuna euskaraz lantzeko asmoz Herrimatuz irratsaioa abiarazi dugu gaurkoan. Helburua Oiartzungo gazteak Zaintzadi, Aiton-Etxe eta Petra Lekuona proiektuetako parte diren erabiltzaileekin harremanetan jartzea da eta, horretarako, Haurtzaro Ikastolako eta Elizalde eskolako ikasleak gonbidatu ditugu. Saio honetan Indira Ibeas, Saray Kortajarena, Paul Devon Coughlan, Liher Fernandez, Manex Salinas eta Hegoa Aginaga ikasleak ezagutzeaz gain, Zaintzadi, Aiton-etxe eta Petra Lekuona egitasmoen berri izan dugu bertako arduradunen eskutik.