2024. urtean 25 urte bete ditu Oiartzun Irratiak. Asko dira hogeita bost urteotan herriko irratitik pasa diren langileak, kolaboratzaileak, herritarrak, eragileak, artistak, idazleak, kirolariak… eta ugariak dira ere, babesa ematen dioten establezimenduak. Denoi ESKERRIK ASKO!

2024ko uztailaren 13an urteurren festa ospatu genuen herriko plazan, egun osoko egitarauarekin eta jende ugari hurbildu zen irratiaren urtebetzea ospatzera: puzgarriak, gazte eta helduen arteko desafiyua, ekitaldia entzuleei omenaldia eginez, herri-bazkari jendetsua, kopla txapelketaren finala, Joxe Leon Amigorena eta Irati Odriozolaren emanaldia, bingoa herriko establezimenduen opari zoragarriekin, Dantzall Sound eta Muxkerren dantzaldia eta azkenik, Tio Teronen semeak taldearen ikuskizunarekin amaitu zen urteurren festa.

Oiartzun Irratiaren 25. urteurren festaren prestaketan eta antolakuntzan herritar, elkarte eta erakunde ugarik hartu zuten parte eta guztion bolondres lanari esker egun ederra izan zen uztailaren 13koa. Gure ESKER ONA modu batean edo bestean Oiartzun Irratiaren festan parte hartu zenuten guztioi!